Prenta Íslenska English

Skaftfell, menningarmiðstöð

Austurvegur 42
Seyðisfjörður 710
Ísland
Skaftfell menningarmiðstöð, Seyðisfirði er í norsku húsi frá aldamótum sem áhugamannahópur um menningu og listir fengu að gjöf frá hjónunum Karólínu Þorsteinsdóttur og Garðari Eymundssyni árið 1996. Húsið sem er sjálfseignarstofnun hefur fengið fjárstuðning bæði frá ríki og bæ. Þann 19. júní árið 1999 var vígður aðalsalur hússins. Endurbyggingu mun ljúka árið 2001. Íbúð fyrir lista- og fræðimenn Íbúðin/ vinnustofan er 80 m2, tvö svefnherbergi, baðherbergi og vinnurými. Í íbúðinni eru svefnpláss fyrir allt að 9 manns. Eldunaraðstaða, ljósaborð, borðplötur og búkkar. Afnot af tölvu, interneti, prentara, skanner og síma eru einnig til staðar. Greiða þarf 9.500 kr. staðfestingargjald sem samsvarar greiðslu fyrir tveggja vikna dvöl. Einnig er hægt að semja við stjórn hússins um að greiða fyrir dvölina með því að standa fyrir sýningarhaldi, námskeiði eða öðru því sem um semst en er háð annarri starfsemi hússins. Dvalartími er í 2 - 6 vikur, þó er möguleiki á að semja um annað. Listamenn geta fengið aðgang að verkstæðum í bænum s.s. trésmíðaverkstæði, stálsmiðju, netagerð og lítilli prentsmiðju gegn vægu gjaldi. Sækja skal um dvöl skriflega. Síðast var auglýst í lok nóvember 2003 vegna ársins 2004 og skyldi skila inn umsóknum fyrir 18. desember 2003. Í umsókn þarf m.a. að koma fram að hverju viðkomandi hyggst vinna og hvaða tími sé æskilegur. Umsókn sendist til Skaftfells merkt: Skaftfell, menningarmiðstöð Austurvegur 42 710, Seyðisfirði Nánari upplýsingar gefur Aðalheiður Borgþórsdóttir í símum 472-1551 og 861-7789 , netpóstur: skaftfell@skaftfell.is Umsóknareyðublöð eru á vefslóðinni www.skaftfell.is Í húsinu er sýningarsalurinn sem er 160 m2, ljósabúnaður í salnum er mjög góður. Fyrir tónlistarfólk er frábær aðstaða í Stúdíó Steinholti til þess að taka upp, fá lánaða aðstöðuna og/eða einstaka tæki. Í stúdíóinu er 24 rásir, proo tools ofl.

Hafa dvalið


Anna Sigríður Hróðmarsdóttir

Bjargey Ólafsdóttir

Bjarki Bragason

Guðný Rósa Ingimarsdóttir

Guðrún Kristjánsdóttir

Hadda - Guðrún Hallfríður Bjarnadóttir

Indíana Auðunsdóttir

Kristín Rúnarsdóttir

Ólafur Þórðarson

Þorgerður Ólafsdóttir

Þórunn Hjartardóttir

SÍM - Hafnarstræti 16, Pósthólf 1115, IS-121 Reykjavík, Ísland - Sími: 551 1346 - Fax: 562 6656 - Netfang: sim@sim.is
Öll notkun mynda af myndverkum þar með talin afritun, birting, fjölföldun og hvers kyns dreifing, er háð leyfi. Myndir þessar eru birtar til kynningar og er annars konar notkun þeirra bundin reglum höfundarréttar samanber Höfundalög nr. 73/1972 með áorðnum breytingum.