Prenta Íslenska English

Flensborgarskólinn í Hafnarfirði

Ísland
Flensborgarskólinn er með elstu starfandi skólum á Íslandi, en hefur tekið margvíslegum breytingum á langri ævi. Hann var upphaflega stofnaður sem barnaskóli árið 1877, en var breytt í "alþýðu-og gagnfræðaskóla" fimm árum síðar, þ.e. árið 1882, og við það ártal hafur aldur skólans oftast verið miðaður. Um 16 ára skeið, frá 1892 til 1908, var sérstök kennaradeild við skólann og var það fyrsta skipulagða námið fyrir kennara á Íslandi, en þegar Kennaraskóli Íslands var stofnaður í Reykjavík var kennaradeildin í Flensborg lögð niður. Eftir það starfaði skólinn eingöngu sem gagnfræðaskóli, fyrst sem sjálfseignarstofnun, en 1930 tóku ríki og bær í sameiningu við rekstri hans. Um 1970 tóku framhaldsdeildir til starfa við skólann, og 1975 var honum formlega breytt í fjölbrautaskóla með sérstökum samningi milli menntamálaráðuneytisins og Hafnarfjarðarkaupstaðar. Gagnfræðapróf var síðast haldið við skólann 1977, en 9. bekkur grunnskóla var í skólanum áfram nokkur ár til viðbótar. Síðan 1981 hefur Flensborgarskólinn eingöngu verið framhaldsskóli.

Fyrrverandi nemendur


Alda Sigurðardóttir

Hlynur Helgason

Hrafnhildur Sigurðardóttir

Jóhannes Sveinsson Kjarval

Kristín Reynisdóttir

Marteinn Guðmundsson

Ólöf Björg Björnsdóttir

Ragnheiður Ingunn Ágústsdóttir

Sólveig Dagmar Þórisdóttir

SÍM - Hafnarstræti 16, Pósthólf 1115, IS-121 Reykjavík, Ísland - Sími: 551 1346 - Fax: 562 6656 - Netfang: sim@sim.is
Öll notkun mynda af myndverkum þar með talin afritun, birting, fjölföldun og hvers kyns dreifing, er háð leyfi. Myndir þessar eru birtar til kynningar og er annars konar notkun þeirra bundin reglum höfundarréttar samanber Höfundalög nr. 73/1972 með áorðnum breytingum.