Leiðbeiningar til notenda

Umm.is er tvískiptur vefur með fjölbreyttum leitarmöguleikum og mikilli gagnvirkni. Annars vegar eru upplýsingar um feril einstakra listamanna, hins vegar skrár yfir skóla, styrki, sýningarstaði, vinnustofur og annað sem íslenskir listamenn hafa sótt eða hlotið og / eða stendur til boða að sækja um. Krækjur kalla fram lista yfir samskonar færslur annars staðar á vefnum. T.d. er hægt að sækja hóp listamanna sem, hafa tekið þátt í sömu samsýningu, setið í stjórn sama félags, numið við sama skóla eða einkenna sig með sömu efnisorðum um vinnusvið og verkefni. Einnig er hægt nota leitarvélar á ýmsa lund, t.d. til að finna skóla eða sýningarstaði í ákveðnu landi eða borg.

Viðhald vefsins byggist að stórum hluta á listamönnunum sjálfum en hver og einn getur fengið aðgang að sinni eigin síðu með lykilorði. Listamenn sem ekki hafa lykilorð geta sent vefstjóra póst á netfangið sim@sim.is.