Umm.is er tvískiptur vefur með fjölbreyttum leitarmöguleikum og mikilli gagnvirkni. Vefurinn skiptist í LISTAMENN og UPPLÝSINGAR. Undir LISTAMENN eru að finna upplýsingar um feril einstakra listamanna sem byggja á færslum frá listamönnunum sjálfum. Undir UPPLÝSINGAR er að finna skrár yfir skóla, styrki, sýningarstaði, vinnustofur og annað sem íslenskir listamenn hafa sótt eða hlotið. Allar upplýsingar á vefnum byggja á gagnagrunni sem gerir kleift að tengja saman upplýsingar í svokölluðum krækjum. Krækjur kalla fram lista yfir samskonar færslur annars staðar á vefnum. T.d. er hægt að sækja hóp listamanna sem hafa tekið þátt í sömu samsýningu, setið í stjórn sama félags, numið við sama skóla eða einkenna sig með sömu efnisorðum um vinnusvið og verkefni. Einnig er hægt nota leitarvélar á ýmsa lund, t.d. til að finna skóla eða sýningarstaði í ákveðnu landi eða borg.Gagnagrunnurinn sem vefurinn umm.is byggir á var upphaflega unninn hjá Upplýsingamiðstöð myndlistar, en það var samstarfsverkefni menntamálaráðuneytisins, Sambands íslenskra myndlistarmanna og Myndstefs og starfaði í tæp 9 ár, frá 1995 til ársloka 2003.Vefurinn fékk nýtt útlit í júní 2010, en nýi vefurinn er í umsjá SÍM. Myndhöfundarnir sjá að miklu leyti sjálfir um viðhald gagnagrunnsins með því að uppfæra sínar eigin síður sjálfir. Uppsetning og forritun var í höndum Atómstöðvarinnar og vefurinn keyrir á Dísil.